صابرين تكشف حقيقة طلاقها من زوجها وسفره لأمريكا بسبب انفصالهما

كتب- مينا غالى

أجابت الفنانة صابرين على سؤال من شيخ العرافين في برنامج العرافة المذاع على قناة المحور مع بسمة وهبة، بأن زوجها تركها وسافر لأمريكا لمدة سنة.

وقالت صابرين: "ودي فيها إيه طيب؟".. ورد قائلا: "علشان كنتم مطلقين".. ردت عليه: "إيه اللي بتقوله ده؟ ده اتجنن ده ولا إيه.. علشان تعرفي يا دكتور أنا مش مستحملاه من قليل.. أعوذ بالله ده أنا لسه بشكر فيه.. معقولة أكون مطلقة وأشكر في طليقي!

وأضافت: "سابني سنة كاملة علشان كان عنده شغل، فردت بسمة: سابك سنة؟ قالت: "أيوه سابني سنة بس هيكون اتجوز عليّ واحدة أمريكانية يعني.. معقولة أنا اتساب يا بسمة؟ فردت بسمة: "لا ده أنت ست الستات.. بس ده ما يمنعش إني أقول: أنت مصدقة نفسك؟".

وتابعت صابرين: أنا واثقة في طارق وطارق واثق في.. واحنا متفقين أن لو مش قادرين نكمل مع بعض نعترف لبعض.

وردا على سؤال بسمة عن إنه عاجز عن أنه ينزل من أمريكا خلال السنة دي يشوفها، فردت: طارق كان المفروض يعمل فحص على صحته لأنه كان تعبان شوية، وأنا ماروحتلوش لأني كنت في فترة كورونا وبصور والأولاد عندهم مدارس.. بس مش هطلق برضو".