الاختيار3 حلقة 4.. مرشد الإخوان يتحدث عن أبو الفتوح: اتجاهاته مش كويسة

كتبت- منال الجيوشي:

اختتمت الحلقة الرابعة من مسلسل "الاختيار 3" بفيديو يجمع الرئيس المعزول محمد مرسي، والمرشد السابق لجماعة الإخوان الإرهابية محمد بديع.

وتحدث "بديع" في الفيديو عن الإخواني عبدالمنعم أبو الفتوح، قائلا: "عبدالمنعم برضه اتجاهاته مش كويسة، أنا عارفة أكتر من حضراتكم، يعني أرجو منكم تعفوني إني حتى أتكلم عليه".

وتابع: "نحن لم نفصله، إلا لأنه لم يلتزم، واللي ميلتزمش بوعده مع إخوانه، اللي العمر كله كانوا معاه وكان موجود معانا، لم يتحدث بكلمة يناور".

وأضاف: "بالعكس بعتلي وقالي لما الدكتور سليم العوا يترشح أنا هنسحب من القصة، هو اللي أحق بيها مني، قولتله أنا بنصحك تنسحب خالص وتتقدم نقيب أطباء، إنت دلوقتي رئيس اتحاد الأطباء العرب".

واستكمل: "ولما بإذن الله ينتخبوك هتبقى نقيب أطباء مصر، ورئيس اتحاد المهن الطبية لأن بحكم اللائحة اللي أنا أعرفه هايبقى كل ده، والناس ساعتها هتحبك والإخوان هتحبك والمشكلة اللي بينك وبين الإخوان اتحلت، لأنك سحبت الغلطة اللي عملتها ورجعت للصواب، قالي لأ عايزها".